Kreu i ri i Lëvizjes Socialiste për Integrim, Petrit Vasili, pohoi se qëllimi i partisë, që ai do të drejtojë, është që të dalë forcë e parë në zgjedhjet e 18 qershorit.
Nga foltorja e Kongresit të LSI, Vasili theksoi se kjo forcë po rritet dhe nuk njeh limite.
“Forcë e parë, s’kemi ç’bëjmë tjetër. LSI kjo është kryefjala jonë. Pas kaq vitesh, kam nderin që të jem në këtë foltore. Në këtë sallë, është e gjithë historia jonë. Kemi përballuar dhimbjen e padrejtësisë. Pa rininë është një Shqipëri e vdekur. LSI që nuk ka limite, do të jetë forcë e parë. Është një moment që bënë të qartë për çdo shqiptar se kush është forcë e përgjegjshme politike”, tha Vasili.
