Kryetari i Lëvizjes Socialistë për Integrim, Petrit Vasili, në emisionin “Kjo Javë” ka hedhur akuza të forta për kryetarin e Partisë Demokratike, Lulzim Basha. Vasili tha se Basha grabiti 250 milion euro në Rrugën e Kombit. Gjithashtu ai akuzoi Bashën dhe Ramën se po kërkojnë votat e shqiptarëve pa pasur asnjë ide dhe plan në kokë.
“Basha grabiti 250 milion euro në Rrugën e Kombit”, tha kryetari LSI-së, Vasili.
Në emision Vasili tha gjithashtu se “Rama dhe Basha flasin pa asnjë ide dhe plan në kokë. Njëri flet për Republikë të Re tjetri për tepsi, ndryshe nga të tjetër unë i flas shqiptarëve për një plan. Unë dhe LSI-ja kemi një plan për të çuar gjërat përpara. S’flas as për timon as për Republikë. Njerëzit kanë nevojë për taksa të ulëta. Shqiptarët janë të mençur dhe do të votojnë për njerëz që kanë plan, jo me tepsi, dhe shpk.”
