Aktori i njohur amerikan, Adam West, vdiq në moshën 88-vjeçare. Adam West u bë i njohur dhe një yll i kinematografisë me rolin e “Batman” në vitet 1960. Seriali i “Batman” u bë një hit i papritur.
Njoftimi për vdekjen e West erdhi nga familja e tij, ai vuante nga leuçemia dhe familjarët përshkruan se pati një betejë të shkurtër por të guximshme në Los Anxhelos.
West ka lindur më 19 shtator 1928, në Washington. Ai ishte me origjinë suedeze nga babai i tij, dhe irlandeze e skoceze nga nëna e tij. Babai i tij ishte një fermer dhe nëna e tij ishte një këngëtare e operës dhe pianiste në koncerte. Prindërit e tij u ndanë kur ai ishte 15 vjeç.
