57% e atyre që nisen me pushime, në fakt duan të qëndrojnë të lidhur me internetin, 52% kalojnë të paktën një orë në ditë duke chatuar apo duke qëndruar në internet, duke kontrolluar email-in dhe duke shkruar në rrjetet sociale.
Ky është përfundimi i arritur pas një studimi të bërë nga një studio e shoqërisë së sigurimit informatik McAfee. Në studim morën pjesë 2000 persona nga 18 deri 55 vjeç, ku 54% e tyre nuk mund të rrinë as edhe një ditë pa dërguar email-e.
38% e tyre nuk mund të kalojnë 24 orë pa hyrë në internet, për të parë posten elektronike dhe 27% pranon që kontrollon në mënyrë konstante postën elektronike gjatë ditës.
Rreth 72% e të intervistuarve s’e kanë problem fare ta lënë laptop-in në shtëpi, ndërsa vetëm 27% janë të gatshëm të ndahen nga smartphoni.
Motivi më i zakonshëm për 62% e atyre, që qëndrojnë të lidhur me smartphonin është për të mos shkëputur kontaktet me familjen apo të afërmit, ndërsa vetëm 16% e tyre e mbajnë për arsye pune.
Ndërkohë, ka edhe nga ata që preferojnë të shkëputen nga teknologjia gjatë pushimeve, të cilët janë rreth 43%.
Shtatë nga dhjetë e bëjnë për të shijuar më mirë pushimet e tyre, ndërsa dy nga tre për të eliminuar stresin.
44% ka nevojë të shkëputet nga puna, ndërsa 36% heqin dorë nga teknologjia për të respektuar të tjerët, partnerin, miqtë dhe familjarët të cilëve u kushtojnë më shumë vëmendje duke hequr telefonin nga qarkullimi.
