Teknologjia VAR në futboll duket se ka pasur sukses në të gjitha kompeticionet që është përdorur, Botërori i konfirmoi më shumë se është i domosdoshëm për të mos pasur polemika. Edhe në Campions League pritet që të instalohet ky model, por në fazën me eliminim direkt. Presidenti i UEFA-s, Aleksander Ceferin dha një njoftim mjaft të rëndësishëm në konferencën e përbashkët me Andrea Agnellin në Bruksel.
“Duhet të vlerësojmë 2 aspekte:, atë të arbitrazhit dhe atë teknologjike. Brenda javës do të ketë një vlerësim të përgjithshëm.” u shpreh Ceferin. Andrea Agnelli replikoi: “Po thua se kjo mund të ndodhë më parë”.
Në këtë rast përgjigja e Ceferin ishte pozitive. Të jemi të qartë, nuk ka asnjë lajm zyrtar por vetëm një konfirmim i rëndësishëm nga Ceferin. Vitin e ardhshëm është e sigurt, por tashmë pritet që përdorimi i teknologjisë në Ligën e Kampionëve të vij që në raundin tjetër të këtij viti.
