Kryetari i Partisë Bashkimi për të Drejtat e Njeriut, Vangjel Dule, tha se Rama ka bllokuar regjistrimin e pronave në Himarë. Në një intervistë për Zërin e Amerikës, Dule tha se nuk ka bashki tjetër në Republikën e Shqipërisë që përqindja e pasurive të paregjistruara të shënojë nivele kaq të larta, Himara përbën rekord për mos regjistrimin e pasurive.
Dule: Himara përbën rekord për mos regjistrimin e pasurive sepse i ka bllokuar qeveria dhe po të kërkoni nuk ka bashki tjetër në Republikën e Shqipërisë që përqindja e pasurive të paregjistruara të shënojë nivele kaq të larta.
Gjithashtu, Dule shpjegoi se “ka kundërshtuar ligjin e minoriteteve sepse përsërit edhe një herë ato parime të konventës kuadër dhe se ka reminishenca të epokës së luftës së ftohtë. Partia Demokratike pati dispozita qe i votoj dhe të tjera që jo. Unë propozova disa amendamente por ato nuk u miratuan nga mazhoranca.”
Ndërsa për situatën e kanabizimit të vendit dhe atë politike në vend Dule deklaroi se “nuk u arrit që të mbaheshin në Shqipëri zgjedhje të lira dhe të ndershme. Jemi në situatë të rënduar politike. Sot më shumë se kurrë duhet që të pranohet fenomeni me përmasa reale te kanabizimit të vendit. Duhet që të evidentohen dhe të gjendet kanabisi. Para se të themi që te goditet të themi përse erdhëm deri këtu. Nuk është marrë përgjigje nga Rama se pse ka ardhur deri këtu situata apo të flasë për efektet negative të drogës“.
