Louis van Gaal ka ndërprerë pensionimin nga futbolli, pasi ka deklaruar se ka marrë një ofertë që nuk mund ta refuzojë. Trajneri Holandez ishte pa ekip që nga momenti që u shkarkua nga Manchester United dhe verën e shkuar kishte refuzuar edhe kombëtaren e Belgjikës.
Të shumtë ata që mendojnë se Van Gaal është tërhequr përfundimisht nga futbolli, por tani 66-vjeçari pohon se është gati për një aventurë të re. “Kam marrë një ofertë që nuk mund ta refuzoj,–tha 66-vjeçari për kanalin televiziv holandez “Ziggo”,–Nuk mund të them më shumë se kaq. Nëse nuk do ta pranoj këtë ofertë dhe nuk do të jem në punë gjatë korrikut të ardhshëm, atëherë do të tërhiqem përfundimisht.”
Van Gaal pasi refuzoi Beëlgjikën deklaroi se do të tërhiqeshe nga pensionimi vetëm nëse i vinte një ofertë nga një klub i madh anglez, nga ku mund të rivalizonte Manchester United. Nuk dihet nëse është pikërisht një klub anglez ai që i ka ofruar pankinën, por gjasat janë që trajneri holandez të marrë në drejtim klubin e Arsenalit. Ai kishte premtuar hakmarrjen me “Djajtë e Kuq” dhe ndoshta kjo do të jetë një mundësi që ai nuk do ta humbte.
Van Gaal është një nga trajnerët që ka fituar më shumë në historinë e futbollit me 20 trofe në palmaresin e tij mes Ajax, Barcelona, Bayern Munich, Alkmaar dhe kombëtares së Holandës.
