Një valixhe e dyshimtë pranë Ambasadës Amerikane ka alarmuar policinë në kryeqytet. Nuk dihet nëse brenda valixhes ka eksploziv, apo është harruar nga ndonjë person, ndërsa policia ndodhet në vendngjarje.
Pak ditë më parë ambasadori amerikan Donald Lu bëri një deklaratë të fortë për sa i përket grupeve kriminale që veprojnë në Shqipëri, ndërsa përmendi edhe emra. Nuk dihet nëse valixhja e lënë pranë ambasadës ka lidhje me këtë deklaratë të ambasadorit.
Tashmë kanë mbërritur në vendngjarje edhe forcat xheniere. Sipas informacioneve paraprake, valixhja nuk ka rezultuar e rrezikshme nga skanimi.
Aktualisht forcat xheniere po përgatiten për një shpërthim të kontrolluar të valixhes.
