Atleti shkodran, Irfan Damnori është liruar nga autoritetet malazeze pas 10 ditëve burg. Ai u prangos pasi kishte përdorur simbolet shqiptare në një ekspozitë në malin e Zi. Ai kishte pozuar pranë flamurit kuqezi në një ekspozitë në Podgoricë. Kjo ishte hera e dytë që ai arrestohej nga policia fqinje.
Herën e parë, 62 vjeçari shkodran u dënua me 300 euro gjobë dhe një muaj ndalim hyrje në Malin e Zi, pasi kishte valëvitur flamurin shqiptar në Ditën simbolike të Gështenjës në Krajë, gjatë një festimi tradicional ku morën pjesë një numër i madh qytetarësh nga Mali i Zi edhe nga Shkodra.
Damnori u bë i njohur për veshjen e tij karakteristike me plis dhe kostum kombëtar në maratona dhe garat e vrapimit në trojet shqiptare. Mediat serbe e cilësuan si terroristi shqiptar i maleve.
