Kryeministri Edi Rama është takuar sot me drejtorin e ri të Tatimeve, Enton Duron si dhe me drejtorin e Doganave, Arlind Gjokutaj.
Ky takim vjen pak ditë pas emërimit të tyre në institucionet më të rëndësishme financiare, ndërsa mësohet se kryeministri Rama u ka dhënë një afat 1-mujor për të përmbushur objektivat, në të kundërt do të shkarkohen.
Porositë e ekzekutivit duket se kanë qenë të prera për drejtuesit rajonale të tatimeve e doganeve. Në mbledhje, ishin të pranishëm edhe zv/kryeministri Erion Braçe si edhe ministrja e Financave, Anila Denaj.
Drejtori i ri i Tatimeve Enton Duro ka qenë drejtor i Përgjithshëm i Taksës së Pasurisë, ndërsa Arlind Gjokutaj, nga vjen nga Drejtoria e Parandalimit të Pastrimit të Parave.
Sipas BalkanWeb, në mbledhje është shkarkuar drejtori i Hetimit Tatimor si edhe disa drejtuesit rajonalë, ndërsa janë dorëhequr nëndrejtorët rajonalë në tatime e dogana.
