Një valë e re shkarkimesh ka ndodhur tek ARRSH. Pas shkarkimit të drejtorit të Autoritetit Rrugor Shqiptar, Afrim Qëndro, më tej janë lajmëruar edhe 10 punonjës të tjerë. Shkarkimet kanë nisur nga Qëndro, i cili aktualisht mbante postin e drejtorit të Planifikimit Strategjik dhe Operacioneve, dhe më tej janë njoftuar punonjësit e tjerë.
Mes personave të shkarkuar është edhe shefja e shpronësimeve, drejtoresha e hartimit të projekteve, drejtori i shërbimeve, drejtori i projekteve, përgjegjësi i burimeve njerëzore dhe përgjegjësi i sigurimit të cilësisë. Personat në fjalë nuk kishin marrë asnjë paralajmërim më parë, dhe se gjithçka ka ndodhur në pak minuta, bëjnë me dije burime për ‘shqiptarja.com’. Punonjësit kanë shkuar si zakonisht në punë, dhe nuk ishin njoftuar më herët lidhur me shkarkimin nga detyra.
