Duket se Valbona Selimllari nuk do të plaket kurrë, dhe mund të themi që ajo ka bërë një pakt të përjetshëm me bukurinë.
Këtë mund ta faktojmë pa ekzagjeruar lidhur me pamjen e saj tejet të bukur që e ruan ndër vite. Edhe pse është ikona e bukurisë shqiptare, ish-missi i parë shqiptar, Valbona Selimllari, vijon të mbetet tipike në origjinalitetin e saj.
Madje, mund të themi se ajo ende e “gëzon” kurorën e më të bukurës së Shqipërisë, sepse është një nga femrat më elegante në jetën publike në vend.
Ka mjaftuar vetëm një foto e postuar nga ajo ditën e djeshme në instagram, dhe komentet kanë vërshuar nga të gjitha anët.
Në të shfaqet, Valbona me mikeshën e saj Sonila Çaushi, e të dyja siç i etiketojnë të gjithë, kanë qenë dhe mbeten dy nga vajzat më të bukura që ka pasur Tirana. Ndërkohë, ish-missi në këtë foto të vitit 1997 ka qenë jo më shumë se 25 vjeç.
Me flokë të zeza, të prera më shkurt se modeli që ajo ka sot, me një natyralitet dhe bukuri të dukshme që lexohet lehtë përmes fotos, Valbona na tregon se çfarë ka ndryshuar pas më shumë se 27 vitesh kur ajo u kurorëzua si Missi i parë shqiptar.
Ne na duket se nuk ka ndryshuar asgjë, ndaj Valbona bën mirë të postojë edhe më shumë foto personale të sajat në të ardhmen, për të mos na e lëkundur mendimin se ajo vijon të mbetet ikona e bukurisë shqiptare!
