Gati 1.500 njerëz kanë humbur jetën si pasojë e të nxehtit në Francë në muajt qershor dhe korrik.
Ministrja e Shëndetësisë, gjate një interviste dhënë për një radio franceze, deklaroi se gjysma e atyre që vdiqën për shkak të vapës dhe problemeve shëndetësore të lidhura me të, ishin mbi 75 vjeç. Përgjatë dy muajve të marrë së bashku, niveli i vdekjeve ishte 9,1 herë më i lartë se normalja.
Ndërsa shtoi se falë masave parandaluese, norma ka qenë dhjetë herë më e ulët se në periudhën e njëjtë në vitin 2003, kur Evropa është përfshirë nga një tjetër valë vdekjeprurëse e të nxehtit.
Më të rrezikuara mbeten moshat e treta, megjithatë ministria franceze e shëndetësisë pohoi se kishte pasur edhe 10 raste vdekjesh në punë; pjesa më e madhe e këtyre viktimave, kane qenë duke punuar në ambiente te jashtme.
Kujtojmë se Franca shënoi temperaturën prej 46 gradësh Celsius në qershor, që është më e larta në historinë e saj.
Temperaturat e larta thyen rekorde sivjet edhe në vende të tjera të Evropës, përfshirë Mbretërinë e Bashkuar, Belgjikën, Gjermaninë, Luksemburgun dhe Holandën.
