Pas një pritje shumë mujore, më në fund një dritë në fund të tunelit. Nesër do të nisë vaksinimi në Britani. Gazetarja Mirela Shtembari tha në një intervistë në ‘Abcnws” se vaksina ka efekt për tre muaj. Britania është shteti i parë që do të aplikojë te grupet e para vaksinën Pfizer.
Grupet e para që do të marrin vaksinën do të jenë mjekët dhe punonjësit në qendrat për të moshuarit. Vaksinimi për ta do të jetë kusht për vendin e punës, pasi rriskohen personat të cilëve ata i shërbejnë. Ajo tregoi më tej edhe procedurën se si do të bëhet vaksina. Gazetarja sqaroi se vaksina do të aplikohet vetëm në spitale. Mjeku do të kontaktojë qytetarët se në çfarë date do të shkojë në spital për të bërë vaksinën. Sipas saj, po ndiqet një procedurë duke nisur me personat që janë më të rrezikuar.
“Nesër konsiderohet si dita e parë e fitores në luftën kundër COVID. Vaksina do të aplikohet vetëm në spitale. Jo në qendra vaksinimi dhe jo tek mjeku, sepse duhet të mbahet në një temperaturë -70 gradë. Do të bëhet për personelin mjekësor dhe stafet e shtëpive të moshuara, sepse ata përbëjnë rrezik për ta transmetuar te ta.
Vaksinimi do të fillojë në masë dhe në varësi se si do të ecet me të. Vaksinimi nuk është i detyruar. Ata pacientë që janë të rrezikuar. Mjeku personal do të kontaktojë dhe do të thotë se në këtë datë do të vish në spital për të bërë vaksinën. Përsa i përket stafit, ka një rregull të brendshëm. Tani jemi me vaksinë e Pfizerit.
Nuk ka kusht për vaksinim. Thjesht po ndiqet një procedurë duke nisur me personat që janë më të rrezikuar. Sa i përket vaksinës së Oxfordit, pritet të jepet licenca. Ajo që dihet është se ka dy vaksina. Të mbron nga virusi deri në tre muaj dhe eviton vdekjen te të moshuarit. Nuk dihet më shumë. Ka paqartësi edhe për Pfizerin. Nuk është e detyruar por për personelet në spitale dhe në shtëpitë e të moshuarve vaksinimi do të jetë kusht për punën e tyre.
Ka shumë frikë dhe skeptizicëm sidomos në grupet që quhen kundër vaksinës. Tani problemi është se në rrjet është shumë e lehtë për të shpërndarë lajmin. Prandaj tha se do ta marrë vaksinën mbretëresha. Dje në ‘Sunday Times’ ishte lista e shumë personaliteteve që thanë se do ta marrin vaksinën. Nuk ka pasur njoftime për pasoja ekstreme. Nuk ka pasur asgjë zyrtare. Kur ishte ende në provë vaksina e Oxfordit, pati një njoftim se kishte pasur përkeqësim dhe ishte shtruar në spital“, deklaroi Mirela Shtembari.
