Këshilli i Emërimeve në Drejtësi (KED), i ka dërguar Presidentit Ilir Meta listën me emrat e 6 kandidatëve potencialë për 2 vendet vakante në Gjykatën Kushtetuese.
Emrat në listën e dërguar nga KED janë: Arta Vorpsi, Elsa Toska, Besnik Muçi, Regleta Panajoti, Marsida Xhaferllari dhe Fiona Papajorgji.
Sipas ligjit, brenda 30 ditësh Presidenti duhet të zgjedhë anëtarin në një nga 3 emrat e parë të listës. Në rast se nuk shprehet brenda këtij afati, atëherë kandidati i parë në listë konsiderohet i emëruar.
Burime pranë KED bënë me dije se në ditët në vijim, pritet t’i përcillen listat e kandidatëve edhe Parlamentit, për zgjedhjen e dy anëtarëve të tjerë.
