Nata e ndërrimit të vitit është mjaft e rëndësishme. Edhe nëse nuk do të dilni për të festuar, por thjesht do të mblidheni në shtëpi, çdo vajzë ka merakun që të duket më së miri.
Por, edhe pse sonte është një natë e rëndësishme, bëni mirë të harroni parukerinë. Kjo pasi ju mund të keni një look të thjeshtë por mjaft elegant brenda vetëm 5 minutash.
Nëse doni një look elegant, me buzë të kuqe, atëherë ndiqni këto hapa:
- Apliko fondatinën. Hiq dorë nga nuancat dhe fillo me një fondatinë të thjeshtë. Pastaj merr furçën e makeup-it dhe fillo ta përhapësh me kujdes. Njëtrajtësoje fytyrën dhe pastaj fillo hapin tjetër.
- Apliko një highlighter. Meqenëse po shkon në një festë të Vitit të Ri, përdor një highlighter që të jep freski, nuk të rëndon pamjen dhe është natyral. Kujdes aplikimin nën sy.
- Konturo mollëzat. Dhe pas kësaj shto edhe pak highlighter në faqe për t’i bërë ato më të dukshme.
- Shto pak xixa. Është Vit i Ri mbi të gjitha. Nise me pak atmosferë festash dhe me xixa. Apliko pak në sy (pa e tepruar).
- Mos harro rimelin. Sigurohu që të kesh një cilësor dhe me furçën e duhur për të t’i theksuar edhe më shumë qerpikët.
- Në fund, buzëkuqi i kuq. Vendos një buzëkuq të theksuar për të kompletuar look-un.
