Deputetja Reme Lala, e bija e Ymer Lalës ia plasi sot në sy Bashës gjatë fjalës së saj në Kuvend se kryedemorkati kishte kërkuar të bashkëpunonte me të atin e saj.
Ajo tha se do i nxirrte një ditë të gjitha këto kërkesa me fakte, me data e me emra.
“Me dashurinë për babain tim dhe krenarinë që kam se jam vajza e tij, një ditë do të tregoj sa herë ke kërkuar për të bashkëpunuar me babain tim. Do i them me data dhe me emra. Por këto një ditë tjetër,” -tha Reme Lala.
Më herët, kreu i PD-së tha: Siç ju thamë prej ditës së parë, e morët me pazaret që keni bërë me krimin dhe kur e lidh fatin me kriminelët nuk ka si të bëhet vonë për shqiptarët e thjeshtë. Kur e lidh fatin me Ymer Lalën nuk të çahet koka për dibranët e thjeshtë. Kur e lidh fatin me Emiljano Shullazin dhe Dritan Dajtin nuk të bëhet vonë as për pensionistët dhe as banorët e Tiranës dhe as të Astirit apo ato bulevardit të ri. Është fare e qartë çfarë ka ndodhur nëse mendoni se mund ta shtyjmë kështu është gabim.
