Pamjet dramatike të mbikëqyrjes së shtëpisë treguan një nënë duke shpëtuar vajzën e vogël, pasi vrapoi e emocionuar drejt një ariu të zi në kopshtin e tyre. Pamjet e sigurisë në shtëpi në rezidencën e Samantha Martinit në Redmond, 20 minuta me makinë nga qendra e Seattle, regjistrojnë momentin dramatik kur vogëlushja e saj, Juniper, bërtet duke parë një këlysh të zi që vraponte përgjatë një shtegu betoni në kopshtin e oborrit të shtëpisë.
“Thjesht më kapi paniku. Nuk kam pasur shumë mendime në këtë moment aq sa ta merrja fëmijën dhe të kthehesha brenda”, tha Martin për FOX 13.
Foshnja ishte duke parë një film në momentin kur ajo vuri re kafshën e egër. Martin mendon se fëmija hapi fshehurazi një derë që të çonte në oborrin e shtëpisë, ku u shfaq ariu.
Nëna e re tha më tej se vajza e saj vrapoi drejt ariut, pasi ishte kafsha e saj e preferuar.
Megjithatë, që nga incidenti, vogëlushja ka mësuar më shumë rreth arinjve dhe sa të rrezikshme mund të jenë ndërveprimet me njerëzit.
“Unë i thashë asaj se ariu ishte i rrezikshëm, dhe ne po shikonim National Geographic”, tha Martin.
Nëna gjithashtu mësoi se ariu po hante nga ushqimi i zogjve, në oborrin e shtëpisë.
Si rezultat i incidentit, ajo shtoi një bravë sigurie për fëmijën në derën e oborrit dhe hoqi farat e shpendëve për të shmangur një situatë të ngjashme në të ardhmen.
“Unë i dua zogjtë, por gjithashtu nuk dua që arinjtë të vijnë vazhdimisht në oborr. Kështu që nuk do ta vendos përsëri farën e shpendëve”, tha Martin.
Shtëpia e familjes u ndërtua pranë një rruge të gjelbër dhe jo shumë larg një terreni lokal golfi me përmasa të mira, ku vihet re jeta e egër.
Pas incidentit, Departamenti i Peshqve dhe Kafshëve të Egra në Uashington, paralajmëroi banorët se arinjtë po dalin nga sezoni i letargjisë dhe janë të uritur për pre, me afrimin e verës.
Autoritetet lokale po u kërkojnë njerëzve që të mos lejojnë asnjë ushqim të varet jashtë, qoftë në publik apo në oborr, në mënyrë që të shmangen takimet me arinjtë.
Popullsia e arinjve të zinj të Uashingtonit vlerësohet të jetë midis 25.000 dhe 30.000.
Burimi i lajmit: dailymail. Përshtatur nga Tirana Today
