Vajza e Bill Gates do ti japë fund beqarisë me një sportist egjiptian që ka dy vite lidhje. Partneri i saj egjiptian i ka bërë propozimin më special vajzës së krijuesit të Microsoft, Bill Gates, dhe nuk kishte si të ndodhte ndryshe, ku ajo i ka thënë “Po”.
Jennifer Gates dhe i dashuri, Nayel Nassar, po shijonin pushimet së bashku. Ky i fundit i ka propozuar partneres në mes të dëborës.
E lumtur dhe e surprizuar, Jennifer i ka thënë “Po” partnerit të saj, ndërsa në Instagram ndau momentin e bukur të propozimit.
“Nayel Nassa, je i rrallë. Më surprizove në vendin më kuptimplotë ku ndajmë një ndër pasionet e shumta të përbashkëta. Mezi po pres ta kalojmë pjesën tjetër të jetës duke mësuar, duke u rritur, duke qeshur e duke u dashuruar së bashku! “Po” njëmijë herë!”, shkruan ajo në postim.
