Bizneset, emrat e të cilëve figuruan në listën e gjatë që emisioni investigativ “Fiks fare” publikoi me produktet shtazore që përmbanin sasi të vajit të palmës, të padeklaruar në etiketë, u shprehën sot shumë të shqetësuar për këtë “damkosje”.
Njëzëri bizneset e prekura nga hetimi, deklaruan në një komunikim publik se “Gjithçka u tha dhe u konkludua për kompanitë tona, është tërësisht e pa vërtetë dhe se garantojmë konsumatorët tanë se në asnjë rast ne nuk e kemi përdorur këtë përbërës”.
Madje ata lajmëruan se kanë filluar procesin e një hetimi penal ndaj Tv Top Channel.
Nga ana tjetër “Fiks fare” publikoi të dokumentuara dhe sigluara me përgjegjësi institucionale provat, se kampionët e përzgjedhur përmbanin nga 10-50% lëndën e konsideruar, edhe nga specialistët e shëndetësisë, si shumë të rrezikshme për organizimin e njeriut.
Analizat janë kryer nga laboratori i Institutit të Sigurisë Ushqimore Veterinare, (ISUV), institucion shtetëror.
Një ditë pas publikimit të lajmit që shokoi opinionin publik, Autoriteti i Kontrollit Ushqimor, reagoi duke deklaruar se do të hapë një hetim rreth çështjes. Por edhe hetimi i AKU-së, sipas deklaratës për shtyp, do të bazohet në analizat që po laboratori i ISUV do të kryejë për kampionë të produkteve në fjalë.
Pra, analizat do të kryhen në të njëjtin laborator. Por, ekziston mundësia e devijimit nga procesi i parë i ekzaminimit, në dy linja. Përzgjedhja e mostrave që do të analizohen dhe përzgjedhja e personave që do të kryejnë procesin laboratorik.
Duke iu referuar sigurisë se bizneseve se lajmi i Fixit, është i rremë, gjasat janë që të përballemi me një tjetër fletë-analizë, po të firmosur e vulosur me sigël institucionale, por me të dhëna kundërshtuese.
Pra, sa është mundësia që bizneset e dëmtuara të vënë në dispozicion të hetimit mostra të posaçme produktesh për analizim?
Por në fund të fundit, çfarë interesi ka një Tv kombëtar të ndëshkojë padrejtësisht 20 biznese, ndër më kryesoret në vend në këtë sektor? Përgjigjien përfundimtare duhet ta japë vet opinioni publik. Ai duhet të vërë vulën përfundimtare në “fletë-analizën” e këtyre produkteve që deri dje i ka konsumuar në mënyrë të shkujdesur.
Rezultatet e dala nga investigimi i “Fiks fare”
Vetëm një mostër ka dalë afër nivelit ideal. Ai është gjalpë fshati, i blerë në një dyqan pranë zonës së Tiranës së Re, me normën 1,4588. Rezultati ideal është 1,4585.
Tetë Mostra me shtesa vaj palme në masën 5-10%
1. Gjalpë Conad (1.4594)
2. Djathë mozarella i huaj (1.4595)
3. Gjalpë Lufra (1.4593)
4. Gjalpë Despar (1.4595)
5. Gjalpë President (1.4589)
6. Gjalpë Klegen (1.4595)
7. Gjalpë Burro Bianco Fiore (1.4593)
8. Djath kackavall Klegen (1.4589)
11 Mostra me shtesa vaj palme në masën 20-50%
1. Gjalpë Mireli (1.4599)
2. Gjalpë Klegen (1.4599)
3. Gjalpë Erzeni (1.4599)
4. Spar Gjerman (i super marketit SPAR) (1.4655)
5. Djathë Kaçkavall Gjirofarma (1.4605)
6. Djathë Kaçkavall Lope (ambalazhuar nga KMY) (1.4615)
7. Gjalpë Erzeni i Tretur (1.4603)
8. Gjalpë Soal (1.4639)
9. Gjalpë Extra Milk (1.4626)
10. Gjalpë Ajka (1.4628)
11. Gjalpë Fshati (dyqan bulmeti tek rruga e Kavajës) (1.4604) /Tirana Today/
