Ushtria turke prej kohësh ka shfaqur një ambicie në plotësimin e arsenalit të saj me armët më të fundit të teknologjisë.
Sakaq, mësohet se Turqia do të jetë vendi i parë që do të blejë një dron të ri ushtarak. Ndryshe nga dronët tradicional ky model do të jetë i armatosur me mitraloz dhe me krahë robotikë.
Mitralozi ka aftësinë të lëshojë 15 plumba në një breshëri të vetme dhe droni mban në total 200 fishekë.
Droni është zhvilluar nga Asisguard, një kompani teknologjike në Ankara, e specializuar për teknologji ushtarake.
Droni do të përdorë një sistem me laser për të garantuar sa më shumë saktësi në shënjestër, ndërkohë që krahët robotikë do ta mbajnë të qëndrueshëm duke eliminuar shtytjet.
