Kryeministri i Republikës së Kosovës, Ramush Haradinaj, është pritur në mënyrë madhështore nga Komandanti i Gardës Kombëtare të Iowa-s, gjenerali Tymothy Orr, në bazën e ushtrisë amerikane, njësiti i helikopterëve luftarakë “Black Hawk”.
Me këtë rast, Kryeministri Haradinaj, nga Gjenerali Orr dhe zyrtarët tjerë të ushtrisë amerikane, është njohur për së afërmi me këtë bazë unike si dhe me helikopterët luftarakë “Black Hawk”, thuhet në njoftim, transmeton RTKlive.
Kryeministri Haradinaj ditë më parë është përballur në opinionion publik me kritika të forta, ndërsa lajmet janë shpërndarë se ai nuk mund të udhëtonte drejt SHBA-së, me pretendimin se kjo e fundit nuk i ka dhënë vizë për të udhëtuar.
Kjo tashmë i përket të shkuarës, pasi Hradinaj ka marrë vlerësime të larta në Amerikë. Ndërkohë mediat serbe shkruanin në lidhje me refuzimin e vizës për Haradinaj.Vetë Haradinaj ka folur për vizën, ndërsa e cilësoi se vonesa është thjeshtë për procedurë dhe nuk ka lidhje me refuzime, duke përgënjeshtruar kështu lajmet e medias.
“Është nder i posaçëm të jesh në mesin e ushtrisë mike të popullit të Kosovës, ushtrisë amerikane. Gjenerali Tymothy Orr dhe Garda Nacionale, sot në Ioëa më rezervuan një pritje madhështore në bazën ushtarake të njësitit të helikopterëve luftarakë “Black Hawk”, ka thënë kryeministri Haradinaj.
