Uruguai ka mposhtur Rusinë me rezultatin e thellë 3-0 dhe ka marrë vendin e parë në Grupin A. Janë djemtë e Tabarez që kanë treguar karakter dhe forcë në lojë, duke gjetur golin e parë që në minutën e 10 me Luis Suarez.
Ndërsa në minutën e 23’ ishte Laxalt që provon portën dhe i ndihmuar nga një devijim i Cherychev topi përfundon në rrjetë. Rusët nga minuta e 35’ luajtën me një lojtarë më pak, pasi Smolnikov u ndëshkua me kartonin e dytë të verdhë.
Në pjesën e dytë uruguaianët dukeshin të vendosur mjaft mirë në fushë dhe nuk i linin hapësira rusëve duke përfituar edhe nga epërsia numerike. Ishte Edison Cavani që kërkonte të gjente golin e parë në këtë Kupë Bote dhe të gjitha topat në sulm shkonin drejt tij. Në minutën e fundit edhe sulmuesi i PSG-së arrin të dërgojë topin në rrjetë duke vulosur fitoren.
Me këtë fitore Uruguai shkon në kuotën e 9 pikëve duke i fituar të tri ndeshjet, ndërsa Rusi do të mbetet në vendin e dytë me 6 pikë. Një disfavor për organizatorët të cilët tashmë duhet të përgatiten për tu përballur me një skuadër të madhe.
Në ndeshjen tjetër Arabi Saudite-Egjipt, janë sauditët që kanë triumfuar për herë të parë në një kupë bote, me një gol të shënuar në sekondat e fundit. Salah ishte i pari që kaloi ekipin në avantazh, por nuk ka mjaftuar pasi barazohet në fundin e pjesës së parë dhe në limite përmbyset gjithçka. Priteshe shumë nga ylli i Liverpool në këtë Botëror por që dëmtimi e bëri të humbte disi dhe kështu largohen me zero pikë.
