Ish-ministri i Jashtëm i Serbisë, Ivica Daçiç gjatë fjalës së tij në forumin e Bled-it në Slloveni ka folur për vëllazëri mes popujve të Ballkanit. Po ashtu, në prani të homologëve nga shtetet e tjera të rajonit, Daçiç deklaroi se Serbia mbështet Kosovën për liberalizimin e vizave.
“Serbia po mbështet liberalizimin e vizave për Kosovën dhe ne gjithashtu po mbështesim edhe nisjen e negociatave me Maqedoninë e Veriut dhe Shqipërinë. Kemi nevojë për më shumë solidaritet në Ballkanin Perëndimor. Nuk ka rëndësi kush jemi, duhet të them që jemi vëllezër” është shprehur Daçiç.
Kujtojmë që disa ditë më parë, në Helsinki, kishte një debat dhe replika mes ministrave të Jashtëm të Kosovës, Behgjet Pacollit dhe atij të Serbisë, Daçiç. Sakaq, zyrtari amerikan, Matthew Palmer ka zhvilluar takime me secilin nga ministrat e Jashtëm të Ballkanit Perëndimor që marrin pjesë në këtë takim.
