Sikundër edhe ishte paralajmëruar, funerali i Kacifas është kthyer në një demonstrim urrejtje ndaj shqiptarëve. Qindra grekë kanë qenë të pranishëm për ti dhënë lamtumirën e fundit 35-vjeçarit. Shtetasit grekë, në momentin që kanë nxjerrë arkivolin nga shtëpia për tek kisha, për t’i bërë nderimet e fundit kanë shpërthyer në thirrje antishqiptare.
“Zjarr qenve shqiptar”, “Gjaku na thërret të djegim shqiptarët”, “Duhet të dini se këto janë tokat tona, jemi në Vorio-Epir këtu”, kanë qenë disa nga thirrjet më të rënda kundër shqiptarëve.
Por nuk kanë munguar thirrjet edhe ndaj gazetarëve shqiptarë. “Gazetarë të poshtër”, është dëgjuar të thërrasë turma.
