Kreu i ALUIZNI-t Artan Lame, është prononcuar në lidhje me çështjen e “Unazës së Re” në Komisionin e Veprimtarive Prodhuese. Lame ka deklaruar se në zonën që preket nga “Unaza e Re”, janë bërë legalizime abuzive. Ai ka deklaruar se gjatë vitit 2013 janë bërë 49 legalizime. Banesat janë legalizuar në periudhën korrik-shtator 2013, pa u formuar qeveria e re.
“Ka pasur legalizime, edhe në mënyrë abuzive në “Unazën e Re”, dhe për këtë duhet të mbahet përgjegjësi. Gjatë vitit 2013 janë bërë 49 legalizime. U legalizuan në periudhën korrik-shtator 2013, pa u formuar qeveria e re. Këto legalizime janë bërë në një kohë kur aty ekzistonte projekti për zgjerimin e Unazës. E dinin që Unaza do të zgjerohej, dhe i lejuan legalizimet”, është shprehur Artan Lame.
