Në ditën e 24 të protestës, duket se banorët e Astirit nuk kanë ndërmend që të ndalen. Një situatë e tensionuar është krijuar pak çaste më parë, mes banorëve dhe Policisë Bashkiake.
Ndonëse mbrëmjen e kaluar u deklarua nga Bashkia se ka nisur zhvendosja e familjeve të Astirit, në banesat sociale, dhe prishja e objekteve në Unazën e Re, banorët kanë dalë sërish sot në protestë.
Qytetarët janë përplasur me Policinë Bashkiake, e cila ndodhet në vend, për të garantuar vazhdimin e punimeve.
Dje, Inspektorati i Mbrojtjes së Territorit dhe Bashkia Tiranë prishën dy banesat e para pa leje në zonën e Astirit, duke i hapur rrugë kështu realizimit të projektit, edhe pse pjesa më e madhe e banorëve kundërshtojnë duke kërkuar dëmshpërblim 100% për banesat e tyre.
