Drejtoria e Tatimeve jep një njoftim të rëndësishëm për bizneset e vogla.
Drejtoria u kujton tatimpaguesve se sot është afati i fundit për dorëzimin e deklaratës vjetore të Tatimit të Thjeshtuar mbi Fitimin për Biznesin e Vogël me qarkullim nga 0-5 dhe nga 5-8 milionë lekë.
“Administrata tatimore ju këshillon të plotësoni korrektësisht dhe në afat këtë deklaratë. Për informacion dhe asistencë lidhur me plotësimin dhe dorëzimin e kësaj deklarate mund t’i drejtoheni sporteleve të Shërbimit ndaj Tatimpaguesve në të gjithë vendin ose të telefononi në numrin pa pagesë të Qendrës së Thirrjeve 0800 00 02”, thuhet në njoftimin e Drejtorisë së Tatimeve.
