Taulant Balla, i është drejtuar kryedemokratit Basha që të tërheqë urdhërin për rrëmujë, që sipas tij, u ka dhënë deputetëve të PD në delegacionin e Shqipërisë në PE.
Kreu i grupit parlamentar të PS, Taulant Balla, është treguar mjaft i prerë përmes një statusi në rrjetin social Facebook.
Por kush janë deputetët demokratë, pjesë e delegacionit në PE? Bëhet fjalë për Genc Pollon, Jorida Tabakun, Aldo Bumçin, Albana Vokshin dhe Oerd Bylykbashin.
Këta deputetë, sipas Ballës, po “turpërojnë vendin” me ato që u thonë zyrtarëve të PE.
Sikundër është njoftuar edhe më herët, pritet që sot, Balla të dorëzojë një padi për shpifje për deputetin e PD-së Salinaji, për materialet e publikuara nga ky i fundit në lidhje me Ballën për përgjimin ‘Babale’.
