Ukraina thotë se nuk planifikon të përdorë sistemet e avancuara të raketave lëshuese të shumëfishta që po merr nga SHBA-ja, për të goditur objektivat brenda Rusisë.
Këshilltari presidencial Mykhailo Podolyak, deklaroi se vendi i tij po bënte një luftë mbrojtëse, duke thënë se vendet që e kishin furnizuar Ukrainën me pajisje “e dinë se ku përdoren armët e tyre”.
Këtë javë, SHBA-ja konfirmoi se po dërgonte katër njësi të avancuara në Ukrainë. Të njohur si HIMARS (Sistemi i raketave të artilerisë me lëvizshmëri të lartë), ata do të përdorin municione të drejtuara me saktësi për të goditur objektivat deri në 45 milje (72 km) larg.
Stërvitja jashtë Ukrainës do të zgjasë rreth tre javë, kështu që nuk do të jetë operacionale – në betejë – për një kohë.
Raketat HIMARS me rreze më të gjatë mund të godasin objektivat 180 milje larg. Por këto nuk do të dërgohen në Ukrainë, për shkak të shqetësimeve nga Uashingtoni, për uljen e raketave në territorin rus.
Kievi do të vazhdojë të ketë sisteme me afërsisht dyfishin e gamës së raketave M777 që SHBA ka ofruar më parë. Pothuajse të gjitha ato 108 njësi janë tani në Ukrainë, së bashku me pjesën më të madhe të 200.000 fishekëve të municionit.
Burimi i lajmit: BBC. Përshtatur nga Tirana Today
