Ish-deputetja e PD-së, Albana Vokshi, ka komentuar me nota të ashpra, furnizimin e banorëve të Tiranës me ujë të pijshëm, i cili sipas saj përveçse vjen me orare, është edhe i ndotur.
Përmes një statusi në Facebook, Vokshi sulmon Veliajn se propaganda e ujit është vetëm një fasadë, përballë realitetit që jetojnë përditë kryeqytetasit.
“Kur uji moçalor që vjen në rubinetet e banorëve të Tiranës, është rrezik serioz për shëndetin, kjo nuk është më thjesht në kufijtë e papërgjegjshmërisë. Kjo është kriminale dhe kriminelët duhet të dënohen”, shkruan Vokshi ndër të tjera.
Postimi i plotë:
Propaganda e Erion Veliajt përballë realitetit me ujin e (pa)pijshëm
Bashkia e Tiranës thotë ka ujë. Qytetarët thonë nuk ka. Edhe ato pak minuta kur vjen, uji ështe shumë i ndotur, burim infeksionesh e sëmundjesh.
Në foto, e dërguar nga një banor i pallateve te Astiri, uji duket si unë moçali, por në të vërtetë ka dalë nga rubinetat e ujësjellësot të Erion Veliajt dhe paguhet si “ujë i pijshëm”.
Banorët e Astirit kanë njoftuar edhe Ministrinë e Shëndetësisë që në dt 27 gusht, por askush nuk e ka vënë ujin në zjarr. Ministrja dhe institucionet shtetërore nuk reagojnë ndaj denoncimeve që u shkojnë nga qytetarët, si denoncimi në këtë foto. Binomi hajdut qeveri-bashki, ose hesht, ose gënjen.
Kur uji moçalor që vjen në rubinetat e banorëve të Tiranës, është rrezik serioz për shëndetin, kjo nuk është më thjesht në kufijtë e papërgjegjshmërisë. Kjo është #KRIMINALE dhe kriminelët duhet të dënohen.
