Tirana ishte skuadra që u ndëshkua për sezonin 2016/17 të Europa League nga ekipet shqiptarë që morën pjesë në këtë kompeticion, për shkak se nuk kishte përmbushur të gjitha kriteret. UEFA për këtë arsye i hoqi të drejtën e përfitimit të 215 mijë eurove. Në rast se Tirana do të ishte ‘ngelur në klasë’ nga FSHF-ja, atëherë këto para do t’i kalonin Luftëtarit që ishte ekipi që përfitonte në bazë të renditjes së atij sezoni.
Megjithatë, për të mos pasur më gabime të llojit të tillë, apo për të dhënë vendime të drejta, UEFA ditën e sotme është paraqitur në FSHF për të kontrolluar dosjet e licencimit të skuadrave të të gjitha kategorive me qenë se sapo kanë nisur kampionatet në të gjithë gjinitë dhe grupmoshat.
Sektori i Licencimeve në FSHF sot ka qenë nën mbikëqyrjen totale të inspektorëve të ardhur nga UEFA. Ata natyrisht që kanë mbajtur shënimet e tyre për të gjitha dosjet, ndërsa vendimet për skuadrat e licencuara do të bëhen publike më vonë, apo në rastin më të keq mund të pasojë me ndonjë dënim, si në rastin e Tiranës.
Për sezonin 2018/19 të kampionateve evropianë Europa dhe Champions League ishin tre skuadra që nuk e kaluan klasën për t’u licencuar. Kamza, Flamurtari, Vllaznia dhe Lushnja ishin ekipet që nuk kishin plotësuar kriteret për të vijuar më tej në Europë. /EDS/
