Real Madrid mbetet aktiv në merkato për të afruar një sulmues cilësorë, për të mbuluar sadopak “boshllëku” e krijuar nga largimi i Cristiano Ronaldos. Trajneri Julen Lopetegui ka vendosur tashmë se kush është sulmuesi që të zbarkojë në ditët e fundit të merkatos në “Santiago Bernabeu”.
Bëhet fjalë për një rikthim të sulmuesit të Lyon, Mariano Diaz. Braziliani ishte pjesë e madrilenëve deri një sezon më parë, por ata e larguan drejt francezëve për 8 milionë euro. Ndërsa tani janë shumë të interesuar që ta sjellin sërish në “shtëpi”.
Diaz ishte shumë pranë Sevillas, por një telefonatë e Lopetegui në drejtim të sulmuesit ndryshoi çdo gjë dhe tashmë ai do vetëm madrilenët. Real Madrid raportohet se do të paguaj rreth 22 milionë plus bonuse për shërbimet e sulmuesit brazilian.
Kjo pistë mbetet si e vetmja e mundshme në këto ditë të fundit të merkatos, pasi vetëm pak më parë presidenti i UEFA-s, Aleksandër Ceferin u shpreh se vendimi për një dënim të mundshëm të PSG-së nuk do të merret tani. Reali ishte duke shpresuar që parisienët të dënoheshin dhe të rrëmbenin një nga yjet e skuadrës, Mbappe ose Neymar.
