Në ndeshjen e vlefshme për Europa League mes Arsenalit dhe Milanit, sulmuesi Dany Welbeck bëri një simulim të shëmtuar dhe pritej që UEFA ta dënonte. Por nuk është marrë asnjë vendim dhe Arsenal do të ketë në dispozicion sulmuesin për dy ndeshjet e radhës ku përballë do të ketë CSKA-n e Moskës.
UEFA, organizmi më i lartë drejtues i futbollit europian, ka vendosur të mos marrë asnjë masë disiplinore ndaj qendërsulmuesit anglez, pas atij simulimi amatoresk në ndeshjen me Milanin, kur u bë protagonist i një rrëzimi pa shkak në zonën e rreptësisë, duke u kushtuar kuqezinjve një penallti të paqenë dhe barazimin e përkohshëm 1-1 të asaj sfide.
Welbeck rrezikonte të skualifikohej për simulim, por pamjet filmike duket se nuk ia kanë dalë të tregojnë në mënyrë të qartë dhe të pakontestueshme veprimin e pahijshëm të lojtarit.
Në këtë mënyrë, lojtari i cili gjatë episodit me Ricardo Rodriguez u rrëzua në mënyrë aspak sportive, do të jetë në dispozicion të trajnerit Wenger për çerekfinalet ndaj rusëve të CSKA-së, më 5 dhe 12 prill.
