Nëse keni planifikuar të udhëtoni sot drejt Italisë, duhet të dini se sindikata e punonjësve atje ka paralajmëruar një grevë 4-orëshe.
Greva nis në orën 10:00 dhe përfundon në orën 14:00, ndërsa Autoriteti i Aviacionit Civil shqiptar njofton të gjithë pasagjerët që kanë planifikuar të udhëtojnë drejt vendit fqinj gjatë së hënës, se mund të krijohen vonesa të fluturimeve si pasojë e kësaj greve.
Autoriteti i Aviacionit Civil shqiptar i këshillon pasagjerët që të kontaktojnë me kompanitë që kanë rezervuar biletën, për t’u informuar për statusin e fluturimit para nisjes drejt aeroportit, në mënyrë që të shmangin pritjet e gjata.
