Babai i fëmijës 5 -vjeçar që u gjend në rrugë i aksidentuar rëndë, ka sqaruar se si ndodhi ngjarja.
Teksa është paraqitur në ambientet e spitalit të Shkodrës për t’u interesuar për të birin, 50-vjeçari H. Kurtaj ka treguar se po udhëtonte me katër fëmijët e tij kur ka ndodhur ngjarja, njëri prej të cilëve ka rënë aksidentalisht nga automjeti.
Babai nuk e ka vënë re që fëmija i tij kishte rënë në rrugë nga dritarja e pasme e automjetit me të cilin udhëtonin. Ka qenë një makinë tjetër e rastit që ka ndaluar për ta marrë fëmijën që gjendej në rrugë duke e dërguar atë më pas në spital.
“Me datë 26.12.2019 në ora 17.25, shtetasi H. K. 50 vjec, po udhëtonte me mjetin e tij në lagjen ‘Skenderbeg’, ku kishte 4 femijët e tij, i ka rënë aksidenatlisht nga mjeti fëmija, S. K., 5 vjec, i cili po trajtohet në Spitalin Rajonal Shkodër”, thuhet në njoftimin e policisë.
