Mediat franceze i kanë kushtuar një artikull zgjedhjes së Albin Kurtit si kryeministër i Kosovës.
Në artikullin e La Croix shkruhet se Kurti ka njohur nga brenda burgjet e Sllobodan Millosheviçit dhe se ishte po ai që udhëhoqi protestat ndaj masakrave të Serbisë.
Më tej në artikull përmendet edhe momenti kur kreu i Vetëvendosjes dhe përfaqësues të partisë së tij hodhën gaz lotsjellës në Kuvendin e Kosovës.
“Për shumë vite është quajtur “Che Guevara kosovar”, dhe tani vishet me këmishë dhe kravatë. Por mjeshtëria e tij me fjalë gjithmonë ngjallë entuziazëm në takimet e tij me të rinjtë, studentët, punëtorët dhe të papunët, të cilët janë të lodhur nga klientelizmi dhe korrupsioni”, thuhet në artikullin e publikuar.
