Fëmijët e gjyqtares së vrarë Fildes Hafizi, nuk dëshmojnë përballë të atit. Në seancën e parashikuar për ditën e sotme, të miturit kanë munguar.
Dy fëmijët e mitur të gjyqtares se vrarë Fildes Hafizi, nuk pranojnë të përballen me babain e tyre Fadil Kasemi, tek Krimet e Rënda. Mësohet se ata duhet të dëshmonin sot në proces, por nuk u paraqitën, pasi ishin në orarin e mësimit.
Sipas avokatit të familjarëve të viktimës, dy fëmijet e mitur janë të tronditur dhe pranojnë të deshmojnë vetëm nëse pyeten në një ambient tjetër në gjykatë, jo përballë babait.
Fildese Hafizi u qëllua për vdekje në automjetin e saj, me dy plumba nga ish-bashkëshorti Fadil Kasemi, me të cilin kishte më shumë se dy vjet që ishte divorcuar.
