Detaje të reja janë hedhur në dritë lidhur me grabitjen e një shume rreth 50 mijë euro sot në Vlorë. Fillimisht u dyshua për 5 mijë euro, por personat të cilët po udhëtonin me furgon, tregojnë çfarë ka ndodhur.
Një dëshmitar ka rrëfyer sesi maskat i grabitën 4 mijë euro mëngjesin e sotëm në Vlorë. I moshuari po udhëtonte me furgonin Vlorë- Brindizi-Firence- Vlorë, kur persona të maskuar dhe me kallshnikov i ndaluan.
“Ishin me maska. Më morën 4 mijë euro, i kishim futur në xhep. Të gjithëve u morën paratë”, ka thënë ai për “Ora News”.
Dy prej grabitësve kanë rënë në pranga, e po punohet për kapjen e personit të tretë.
Ata mendohet se janë nga Tirana, dhe për të kryer operacionin kishin marrë dy makina, një Benz dhe një Audi.
https://tiranatoday.com/vodhen-canten-me-euro-policia-kap-ne-kohe-reale-dy-autoret/
