Përlotja në konferencën për media gjatë dhënies së dorëheqjes nga posti, u komentua mësë shumti për Haradinajn. “Më erdhi shumë inati për mosunitetin tonë. Ne mundemi lehtë me dalë fitues si Kosovë. Jam i mërzitur se kam kalu nëpër shumë momente të rënda. Ftesa më ka këput konopin. Kam qenë në konop që prej viti”, tha ish-kryeministri i Kosovës, Ramush Haradinaj në emisionin “Pressing” në T7.
Ai u shpreh më tej se nëse Gjykata Speciale nuk ka akt-akuzë të ngritur, do te kërkojë të drejtën e tij për te marrë mandatin, të cilin thotë se ia ka kthyer popullit.
“Nëse nuk kam akt-akuzë të ngritur, nëse shkoj vetëm në intervistim dhe kthehem, do t’i afrohem popullit, pra peng nuk e mbaj veten as Kosovën. Nëse nuk kam akt-akuzë, unë e kërkoj të drejtën me e marrë punën, sepse këtë punë ia kam kthy popullit, një ditë ia kërkoj prapë. Unë s’po bëj standarde të dyfishta.
E me m’akuzu ndonjëherë unë s’kam qare pa u përgjigjë prapë, unë nuk jap dorëheqje prej qejfit, por nuk besoj që do të ketë akt-akuzë më. Nisem prej asaj se s’do të kem, sepse i kam përfundu dy procese gjyqësore”.
