Lidhur me lajmet për dorëheqjen e kreut të FRESSH-it, një reagim është përcjellë nga vetë ai. Eljo Hysko, më në fund ka thyer heshtjen, teksa i cilëson këto të gjitha si sajesa.
Duke u bërë njësh me komentet dhe qëndrimet e kryeministrit Rama, ai është i mendimit se FRESSH i konsideron legjitime dhe të drejta 8 kërkesat e studentëve.
Po kështu, Hysko thotë se protesta po na dëshmon se besimi tek mekanizmat për demokratizimin e vendit janë rimëkëmbur.
Sa i takon lajmit të përhapur në media, referuar dorëheqjes së tij, ai i mëshon faktit se janë trillime të një mendje të sëmurë, e cila nuk ka kufij e moral.
