Papa Françesku është duke u mbajtur nën vëzhgim, pas takimit të tij me një kardinal i cili më vonë rezultoi pozitiv me koronavirus.
Kardinali filipinas, Luis Antonio Tagle, zhvilloi një takim privat me Papën më 29 gusht. Sipas The Guardian, ai u konfirmua pozitiv pasi u kthye në Manila më datë 10 shtator.
“Jemi duke qenë të kujdesshëm. Nuk ka alarm të veçantë, por shëndeti i Papës është duke u vëzhguar vazhdimisht”, tha sekretari i Shtetit, Pietro Parolin.
Papa u flet pa maskë atyre që i shkojnë në takim. Sidoqoftë, javën e kaluar ai u pa me maskë për herë të parë që nga fillimi i pandemisë. Prapëseprapë, ai e hoqi maskën për të biseduar me njerëzit.
Megjithatë, ai ka hequr dorë nga praktika e zakonshme e shtrëngimit të duarve dhe puthjes së foshnjave si dhe ka përdorur dezinfektues të duarve.
