Një burrë i moshuar ka përfunduar në spital, pasi është sulmuar nga një ketër. Personi i plagosur thuhet se po përpiqej ta mbyste ketrin, kështu që ndoshta ai thjesht po luftonte për mbijetesë.
Departamenti i Policisë Slidell në Luiziana iu përgjigj një telefonate të martën, duke thënë se i moshuari po sulmohej nga ketri. Nuk është e qartë se kush e filloi, por sulmi nuk përfundoi mirë për askënd.
78-vjeçari mbeti me lëndime që janë përshkruar si “të rëndësishme”, edhe pse nuk e dimë saktësisht se çfarë do të thotë kjo. Megjithatë, ai pritet të rikuperohet, gjë që është më shumë sesa mund të themi për ketrin.
Kjo për shkak se “luftëtari me gëzof” ngordhi më vonë nga lëndimet e marra.
Sipas Departamentit të Policisë Slidell: “Telefonuesi deklaroi se ‘një i moshuar 78-vjeçar po sulmohej nga një ketër, i cili po i hante dorën’.
“Burri po përpiqej të mbyste ketrin”. Kur mbërritën në vendngjarje, u përpoqën ti ndanin pasi panë ‘ketrin e egër’ që po ‘luftonte’ me të moshuarin.
Si ndodhi kjo? Policia e Slidell shpjegoi: “Burri po ecte jashtë shtëpisë së tij, kur ketri erdhi nga drejtimi i çatisë së tij dhe e sulmoi atë”.
Me sa dinë ata, burri nuk kishte bërë asgjë për të provokuar ketrin, edhe pse më vonë filloi të përpiqej ta mbyste.
Çfarë tjetër duhet të bëni nëse jeni subjekt i një sulmi të befasishëm ketri? Ndoshta edhe më i çuditshëm se ky është fakti se ky sulm i fundit nuk është një incident i izoluar. Slidell ka qenë vendi i më shumë se një sulmi ketri këtë vit, me një incident të raportuar që ndodhi gjatë një parade të Mardi Gras në shkurt.
Burimi i lajmit: UNILAD. Përshtatur nga Tirana Today
