Më 26 janar të këtij viti, legjenda e basketbollit Kobe Bryant, vajza e tij 13-vjeçare Gianna dhe 7 persona të tjerë humbën jetën në një aksident me helikopter.
Helikopteri i tyre qarkulloi për disa minuta në mjegull, duke u rrëzuar më pas në Los Angeles.
Vdekja tragjike e 9 personave hidhëroi mbarë botën, ndërsa bashkëshortja e Kobe, Vanessa, ka vendosur të merret personalisht me këtë çështje.
Raportohet se ajo ka hedhur në gjyq kompaninë e helikopterit ku fluturonte Kobe dhe e bija.
Në Gjykatën e Lartë të Los Angeles, Vanessa ka dërguar një padi prej 72 faqesh, ku akuzon kompaninë për neglizhencë.
Vanessa pretendon të marrë një dëmshpërblim prej kompanisë dhe kjo e fundit të ndëshkohet ekonomikisht.
Ajo ka akuzuar kompaninë se nuk duhet ta kishte lejuar ngritjen e helikopterit në kushte të pafavorshme të motit.
