Gjendet pas 4 orësh vajza 13-vjeçare që u shpall e zhdukur në Tiranë. E mitura u gjend nga uniformat blu në një qendër tregtare pranë “Zogut të Zi”.
Drejtori i Policisë së Tiranë, Rebani Jaupi njofton se nuk bëhej fjalë për një rrëmbim, por 13-vjeçarja kishte shkuar për të pirë pije freskuese me një grup shokësh dhe shoqesh.
Vajza pohoi se e kishte trilluar historinë e rrëmbimit, për të kaluar disa momente me shoqet, pasi familja nuk e linte.
Policia u vu në alarm lidhur me këtë rast duke ngritur pika kontrolli në të gjithë Tiranën, ndërsa u njoftua edhe policia e Fushë Krujës, Elbasanit dhe Durrësit.
