Emanuel Egbo u shkarkua nga drejtimi i skuadrës së Tiranës, pasi bardheblutë u eliminuan nga Kupa e Shqipërisë kundër ekipit të Korabit.
Një shkarkim që nuk u prit aspak mirë nga tifozët bardheblu që hodhën akuza të ashpra ndaj presidentit të Tiranës.
Por, në 24 orë ka pasur ndryshime sa i përket pankinave. Shqipëria U-19 mbeti pa trajner për shkak se Nevil Dede dha dorëheqjen dhe mori drejtimin e Tiranës.
Tani vendet mund të ndryshojnë, pasi stoli i mbetur bosh te kuqezinjtë e vegjël mund të gjejë një timionier të ri dhe ai mund të jetë Emmanuel Egbo.
Sipas mediave sportive, presidenti i FSHF-së, Armand Duka mund t’i besojë stolin, megjithatë nigeriani ka një rival për stolin dhe ai është ish-trajneri i Skënderbeut dhe Kukësit Orges Shehi
