Ekspertët mjekësorë shprehen se shenjat në duart e liderit të Koresë së Veriut, Kim Jong-un, sugjerojnë se ai mund t’i jetë nënshtruar një operacioni në zemër.
Mungesa e Kim Jong-un kishte shkaktuar një debat të gjerë ndërkombëtar, teksa shumë media aluduan edhe për vdekjen e tij.
Pas 20 ditësh mungese, lideri i Koresë së Veriut bëri daljen e tij të parë publike dje, kur preu shiritin në përurimin e hapjes së një fabrike plehrash në Sunchon.
Duke parë pamjet e videos në këtë përurim, ekspertët mjekësorë vlerësuan se shenjat në krahët e Kim tregojnë se ai ka pasur një ndërhyrje kardiovaskulare.
Kim Jong-un u shoqërua në këtë ceremoni nga disa zyrtarë të lartë të Koresë së Veriut, përfshirë këtu edhe motrën e tij të vogël Kim Yo Jong.
