Miliarderi i njohur rus, Igor Sosin është gjetur i vdekur në Zanzibar në rrethana misterioze, pesë vjet pasi i biri mbyti gruan e tij të dytë me një kabëll telefoni.
53-vjeçari, u shërua nga koronavirusi në fillim të këtij viti, por humbi jetën pasi kishte marrë pjesë në një festë bashkë me vajzën e tij Taisia, 18 vjeç dhe një grua të panjohur.
Ndërkohë, sipas deklaratës së familjarëve, Sosin humbi jetën në gjumë, por shkaku ende nuk është përcaktuar, shkruan Daily Mail.
Vetëm disa ditë më para vdekjes, ai kishte kaluar një divorc me gruan e tij të tretë, që e kishte njohur nëpër festa luksoze.
Sosin ishte i njohur për shpenzimet marramendëse dhe jetën e luksit. Një herë shpenzoi disa milionë paund për një koleksion fustanesh që i përkisnin Sharon Stone të cilat ia dhuroi një prej grave të tij.
