Ka përfunduar numërimi i parave që u gjetën dhe u sekuestruan në portin e Durrësit. Më herët u raportua se ishin sekuestruar 1 milion paund, por pas numërimit nuk ka dalë një shumë e tillë.
Mësohet se në furgonin e llojit ”Mercedez Benz” me targa angleze që erdhi nga Britania e Madhe janë gjetur konkretisht 124 mijë paund dhe 200 stërlina skoceze. Në total janë gjetur 176 milionë e 180 mijë lekë të vjetra.
Furgoni ka arritur në port me tragetin e Ankonës rreth orës 12:00 dhe ndalimi i tij është bërë pas një kontrolli rutinë nga policia rreth orës 13:00.
Mësohet se në traget ndodheshin dy furgonë që i përkisnin të njëjtit shofer, i identifikuar si Jetmir Ismaili i cili është ndaluar nga policia. Ai ka thënë se nuk kishte dijeni mbi paratë e gjetura, por që bën vetëm transportimin e mallrave.
