Shinzo Abe, ish-kryeministri më jetëgjatë i Japonisë, ka vdekur pasi u qëllua në qafë dhe në zemër teksa mbante një fjalim fushate në jug të vendit.
67-vjeçari, i cili shërbeu për nëntë vjet në dy mandate, u qëllua për vdekje në qytetin e Nara rreth orës 11:30 të mëngjesit, ndërsa ai mblodhi mbështetjen për kandidatin vendor përpara zgjedhjeve parlamentare të dielën. Vdekja e tij u njoftua nga Partia Liberal Demokratike në pushtet, gjashtë orë më vonë, pak pasi gruaja Akie mbërriti në shtratin e tij.
Mjekët thanë se Abe kishte lëndime në anën e djathtë të qafës dhe bustit, me plagë aq të thella sa të arrinin në zemrën e tij.
Tetsuya Yamagami, 41 vjeç dhe një veteran i marinës, u arrestua në vendngjarje me dyshimin për tentativë vrasjeje, ndërsa mbante në dorë atë që dukej të ishte një armë gjahu e bërë në shtëpi. Policia thotë se ai ka pranuar krimin, duke u thënë atyre se donte të vriste Abe sepse ishte ‘i pakënaqur’ me të.
Dëshmitarët thanë se Abe ishte gati të fillonte të fliste kur Yamagami iu afrua nga pas dhe qëlloi dy të shtëna, e dyta prej të cilave e rrëzoi atë. Disa anëtarë të sigurisë së Abe-s u përballën me Yamagami ndërsa të tjerë i dhanë ndihmën e parë, përpara se ai të dërgohej në spital me helikopter.
Kryeministri aktual Fumio Kishida e cilësoi ngjarjen një sulm mbi “themelin e demokracisë”, duke e përshkruar atë si “të urryer”, “barbar dhe keqdashës” dhe “absolutisht të pafalshëm”.
“Do të doja të përdorja fjalët më ekstreme në dispozicion për të dënuar këtë akt”, shtoi ai.
Marrë me shkurtime nga dailymail. Përshtatur nga Tirana Today
